12.04.2024 жылы Келес ауданының білім бөліміне қарасты №31 Ш.Уалиханов және №32 жалпы орта мектебінің жоғарғы сынып оқушыларымен, сондай-ақ №1 Балалар мен жасөспірімдер спорт мектебінің оқушыларымен Түркістан облысы әкімінің орынбасары Б.Д.Тәжібаевпен бекітілген дін саласындағы ақпараттық-түсіндіру тобының 2024 жылға арналған жұмыс жоспарына сәйкес, «Дін мәселелерін зерттеу орталығы» КММ тарапынан облыс аумағында дін саласындағы тұрақтылықты қамтамасыз ету, діни экстримизмнің, теріс пиғылды діни ағымдардың алдын-алу, халық арасында дәстүрлі дінімізді таныту, бүгінде қоғамдық-саяси өміріндегі діннің асыл рөлі туралы ақпараттық-түсіндіру жұмыстарын жүргізілді.
Жиынға облыстық дін істері басқармасы «Дін мәселелерін зерттеу орталығы» КММ-нің орынбасары Айбек Тағай қатысты. Қазіргі таңда дін саласындағы мемлекеттік саясатты дұрыс жүзеге асыру барысында зерттелген, таңдалған бірнеше теологиялық оқу орындарының бар екенін жеткізілді.
Жастарымыздың әлеуметтік желіде көп отыратындығын тілге тиек ете, әлеуметтік желіден де орасан зор қауіп-қатер болуы жайында ауқымды ақпарат айтып өтті. Дұрыс емес бағытта уағыз айтушылар жайлы, оларды ара-жігін ажыратып, сақтану жолы туралы сөз қозғалды.
Жиында мемлекетіміздің зайырлылық қағидаттары және мектеп тәртібіне бой ұсыну, сондай-ақ діни ағым ұстанушылардың ерекшіліктері жайлы ақпараттық-түсіндіру жүргізілді. Жиын соңында қойылған өзекті сұрақтарға қанағаттанарлықтай жауап берілді.