Бүгін елімізде республикалық «Таза Қазақстан» экологиялық акциясы басталды.
Науқан 5 аптаға созылып, әр аптаға өзіндік мән-маңызын айшықтайтын тақырып қойылған.
Мәселен, алғашқы апта «Таза өлке» деп аталады. Бұл күндері елді мекен тұрғындары мен қоғам белсенділері өздеріне жақын аумақтар мен аулаларды тазалайды. Ал, «Киелі мекен» күндері тарихи-мәдени ескерткіштер аумағын абаттандыру жұмыстары жүргізіледі. 27 сәуірге дейінгі үшінші аптаға «Жасыл аймақ» деген тақырып қойылды.
Бұл апталық ағаш көшеттерін отырғызып, оларды суғаруға және ағаштарды әктеуге бағытталған. «Өнегелі ұрпақ» апталығында ардагерлер мен қарттардың аулалары қоқыстан тазартылып қана қоймай, ауласы абаттандырылмақ. Ал, бесінші, яғни, соңғы аптада өзен-көлдердің айналасы қоқыстан тазартылады. Тиіснше, бұл аптаға «Мөлдір бұлақ» атауы берілген.
Жалпы, бұл науқанның басты мақсаты – экологиялық мәдениетті қалыптастырып, тұрғындардың қоршаған ортаны ластамауына, керісінше, аялап-баптауына шақырамын.
Фарит Аюпов,
Түркістан облыстық және Кентау қалалық татар-башқұрт этномәдени бірлестігінің төрағасы
