Судан зардап шегіп, сабылған халыққа Түркістан облысы Ассамблея өкілдері де өз алаңдаушылығын білдіріп жатыр. Иә, көлігі бар да, көлігі жоқ та көмектесіп жатыр шама-шарқынша.
Расында, Түркістан облысы этностарының ешбірі де, қайырымды істен шет қап жатқан жоқ. Мақтаарал ауданы Әзербайжан этномәдени бірлестігінің төрағасы Махмудов Рамис “көлік менен, көмек сенен болсын” деп Мақтарал ауданы орталық алаңға өзінің жеке жүк көлігін қайырымдылық іске жұмылдырды. Бәрекелді. ҚХА мүшесінің бұл бастамасына белсенді қолдаған аудан тұрғындары, этнос өкілдері көрпе төсек, киім кешек, азық-түлік сияқты керекті құрал жабдықтармен толтырып Ақтөбеге жөнелтті. “Көлік менен, көмек сенен” деп жалпақ жұртты ортақ іске жұмылдырған Рамиске мың алғыс!
