Бүгін аудан орталығы Шорнақ елді мекенінде қасиетті Рамазан айында Түркістан облыстық мәлихатының депутаты Баймахан Сүлейменовтың бастамасымен «Тал егу – игі іс» акциясы аясында игілікті шара болып өтті.
Шараға Сауран ауданының әкімі Мақсат Таңғатаров, облыстық мәслихаттың төрағасы Нұралы Әбішов, облыстық мәслихаттың депутаттары Баймахан Сүлейменов, Сүлеймен Арыстанов, Жанар Темірбекова, Инара Намазбаева, Еркебұлан Хандиллаев ,»Қоғамдық келісім» КММ- нің Сауран аудандық филиалының басшысы Арсылан Раматуллаев және мамандары, зиялы қауым, қоғамдық ұйым өкілдері, жастар қатысты.
Шорнақ мешітінің 3,5 гектар аумағына 1000 түп жеміс ағашы отырғызылды. Алдағы уақытта бұл жер үлкен саябаққа айналғалы отыр. Қазақта «Атадан мал қалғанша, тал қалсын» деген сөз бар. Расымен де саялы ағаш егіп, балаға мирас болатын бұл дәстүр өз өміршеңдігін жойған емес. Жыл сайын жаңадан ағаш отырғызу жұмыстары көктем мезгілінде басталып, оны ауыл тұрғындары болып жалғастыратын жақсы дәстүрге айналғандай.
Ауданның таза, әдемі, жасыл желекке оранып тұруы, әрбір адамның сүйіспеншілігі мен жанашырлығын қажет етеді. Ауданның шырайын келтіріп, көшелердің көркін реттеу мен тазалық жұмыстарын жүргізу аса маңызды. Ауданымыздың осылай көркейіп жатқанын көріп, ауыл тұрғындары ыстық ықыластарын білдіруде.
Қоғамдық келісім Сауран аудандық филиалы
