«AMANAT» партиясы Мақтаарал аудандық филиалының мәжіліс залында Түркістан облысы «Қоғамдық келісім» КММ-нің Мақтаарал аудандық филиалының 2024 жылғы бекітілген жұмыс жоспарына сәйкес, аудандық аналар кеңесінің тоқсандық отырысы өтті. Кеңес отырысына ауыл округтеріндегі Аналар кеңестерінің төрайымдары мен мүшелері қатысты. Жиынды аудандық Аналар кеңесінің төрайымы С.Сейдуалиева ашып, жүргізіп отырды. Жиынның күн тәртібінде 2024 жылдың 15 наурызында Атырау қаласында өткен Ұлттық құрылтайдың үшінші отырысында Мемлекет басшысы Қасым-Жомарт Тоқаевтың айтқан міндеттері жан-жақты түсіндіріліп, оны іске асыру барысы талқыланды. Еліміздің әр бір азаматы адал азамат болып,отбасылық құндылықтарды нығайтуға және сақтауға ұлттық дәстүрлер мен ұрпақтар сабақтастығын өскелең ұрпақтың бойында қалыптастыру мәселелері қаралып, ұрпақ тәрбиесіне қатысты ұсыныс-пікірлер тыңдалды.
