Бүгін Мемлекет басшысы халыққа үндеу жасады. Су тасқыны тудырған күрделі кезеңде мемлекет бірде-бір адамды ескерусіз қалдырмайтынын айтты.
“Баршаңызға қаржылық және басқа да көмек беріледі. Материалдық шығындар толық өтеледі”, — деді Қасым-Жомарт Тоқаев.
Президент құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғыс айта отырып, осындай қиын-қыстау кезде бір жағадан бас, бір жеңнен қол шығару айрықша маңызды екенін қаперге салды.
Төтеннен келген топан судан зардап шеккен барша жұртшылыққа Жаратқан иеміз амандық, сабыр берсін. Күшіміз бірлікте болсын, ағайын!
Ғалымжан ЗИЯБЕК,
«Ордабасы оттары» газетінің бас редакторы, Түркістан облысы ҚХА жанындағы журналистер мен блогерлер клубының мүшесі
