Мемлекет басшысы су тасқыны салдарынан қалыптасқан ауыр жағдайға байланысты Қазақстан халқына үндеу жариялады. Президент халыққа көмектесу үшін Үкіметке мемлекеттік материалдық резервті пайдалануды тапсырды.
Апатты жағдай аймақтарына Қарулы күштер, Ұлттық ұлан және басқада күштік құрлымдардың қызметкерлері тартылады. Сонымен қатар, «Үкімет шығындарды өтеудің тиімді жолдарын шұғыл қарастыруға тиіс. Оны зардап шеккен азаматтарға жан-жақты түсіндіру керек. Берілетін өтемақы шығынды толық жабуы қажет»,-деді Мемлекет басшысы.
Осындай сәтте жұртты дүрбелеңге салатын жалған ақпараттарды таратпау қажет. Бұқаралық ақпарат құралдарын, белсенді азаматтарды және блогерлерді жұртты дүрбелеңге салатын жалған ақпараттарды таратпауға шақырды.
— Құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғысымды айтамын. Осындай қиын-қыстау кезде бір жағадан бас, бір жеңнен қол шығару айрықша маңызды. Бір ел, бір халық болып жұмылып, бұл апатты еңсереміз. Бұл біздің қолымыздан келеді, — деді Президент.
Қазіргі уақытта билік пен қоғамды ұйыстыратын әрекеттер жасау аса маңызды. Азаматтарды тек қана ресми ақпарат көздеріне сүйенуге қажет деп санаймын.
Еліміз аман, жұртымыз тыныш болсын! Бұл сынақтан да сүрінбей өтіп, қиындықты бірге еңсереміз деген сенімдемін!
Бақдәулет Бегалиев,
Түркістан облыстық ҚХА жанындағы Ғылыми-сарапшылық топтың мүшесі
