Бір шаңырақ астында халқымыздың әдет-ғұрпын берік ұстанып, Отанға адал қызмет етіп жатқан отбасылар Түркістан облысында аз емес. Сондай берекелі жанұяның бірі деп сайрамдық Ержан Қапанов пен Татьяна Матвееваны айтуға болады.
Ержан мен Татьяна 1979 жылы танысқан. Мектепті бітіргеннен кейін шағын ғана башқұрт ауылының қызы Мәскеу маңындағы тоқу фабрикасына жұмысқа орналасады, ал сайрамдық жігіт Орехово-Зуев ауданында әскерде қызмет еткен. Сымбатты және биязы Татьянаны ол бірден ұнатады. Қызметі аяқталғаннан кейін бойжеткенге Сайрам ауданындағы туған ауылына баруды ұсынады. Ол кезде, әрине, өмірлік серігі боларын білмеді, бірақ ол дәстүр бойынша үйдің табалдырығын аттаған және ата-анасымен танысқан қыз енді жай қыз емес, қалыңдық екенін білді. Қапановтардың ұлы келінді Ресейден әкелгені туралы хабар Қызылқыстау ауылына (қазіргі Әйтеке Би) әп-сәтте тарап үлгерді. Бұған таңырқап қарағандар да аз болған жоқ. Осылайша, үйлену тойы 1980 жылы 3 мамырда қарапайым аулада өтті.
Татьяна Евгеньевна төрт жыл бойы жұбайының ата-анасының үйінде бір шаңырақ астында өмір сүрген қайын енесі мен жолдасының көмегін ризашылықпен еске алады.
– Мәскеу облысынан Қазақстанға жолға шыққанда менде жастарға тән батылдық болды. Ия, мен тұрмысқа шығуға емес, қонаққа келдім. Бір жағы, Қазақстан қандай ел екенін көру қызықты болды, — дейді Татьяна Евгеньевна сол күндерін еске алып…
