ҚР Парламенті Мәжілісінің депутаты, «AMANAT» партиясы фракциясының мүшесі Исабеков Данабек Шымкент қаласына іс-сапар барысында Асар-2 шағын ауданының тұрғындарымен кездесу өткізді.
Жиынға «AMANAT» партиясы Абай аудандық филиалының атқарушы хатшысы Бертаев Есімхан және Абай ауданы әкімдігінің жауапты мамандары мен тұрғындар қатысты. Асарлықтар мәжілісменге өздерін толғандырған түрлі мәселелерді көтеріп, талқыға салды. Аудан тұрғындары соңғы кезде қаңғыбас иттердің көбейгені, салдарынан балалардың мектепке барып келуі уайым болғанын жеткізді.
Асар-2де кәріз жүйесін ретке келтіру де кезек күттірмейтін мәселе екенін тілге тиек етті. Сонымен қатар балалар және спорт алаңшасын салып беруді сұрады. Мәжіліс депутаты өз кезегінде барлық сауалдар бойынша жіті зерттеп, оң шешімін табуы үшін тиісті мекемелерге хат жолдап, жауап беретінін айтты.
