Тіл мәселесі барлық ұлттың негізгі мәселе. Тілі жоғалған елдің өзі де жоғалады деген қанатты сөздің астары осында жатыр. Қазақ тілін меңгеру Қазақстан Республикасының әрбір азаматының парызы деп есептеймін. Яғни, мемлекеттік тілді меңгеру _ ұлтқа құрмет.
Елімізде қазақ тілінің мемлекеттік тіл ретіндегі рөлін күшейту үшін «Тіл туралы» заңға өзгерістер енгізілді. Мемлекеттік тілге қатысты жауапкершілік белгіленді.
Оқи отырыңыз...
Кез келген қазақ, қазақстандық бір-бірімен тек мемлекеттік тілде сөйлесетін уақыты келді. Тәуелсіздік қазаққа не берді десек, санымыз өсті, санамыз өркендеді, рухымыз жанданды. Рухымызбен бірге тіліміздің тұғыры да биіктеуі шарт.
Өзге тілдің бәрін біл, өз тіліңді құрметте», — деп Қадыр Мырзалиев ағамыз айтқандай, қазіргі қоғам басқа тілді үйренуге еш шек қоймайды. Дегенмен, қазақ тілін мемлекеттік тіл дәрежесіне көтеруге әр азамат мүдделі болса игі.
Халқымыздың «Қай тілде сөйлесең, сол тілде ойлайсың. Қай тілде ойласаң, сол тілдің жанашырысың», «Өсер ел, алдымен, тілін қадірлейді» деген сөздері есімізден шықпағаны жөн деп санаймын.
М.Әуезовтің: «Бұл дәуірде өз тілін, әдебиетін білмеген, қадірлемеген адам толық мәнді интеллигент емес деуге болады. Себебі ол қандайлық мамандық білімі болса да рухани, ой тәрбиесінде сыңаржақ азамат болады» деген сөзін ұмытпаған абзал.
Тарихты сөйлетсек, 22 қыркүйек 1989 жылы қазақ тілі мемлекеттік мәртебеге ие болып «Тіл туралы» заң қабылданды. Кейін егемендік алған соң 1995 жылғы Ата заңымыздың 7 бабына сай «Қазақ тілі — мемлекеттік тіл» болып айқындалды.
Әрі қарай — 1997 жылы «Қазақстан Республикасындағы тілдер туралы» заң қабылданып, республика аумағындағы тілдердің қолдануының құқықтық негіздері, барлық тілдерге бірдей құрметпен қарау қамтамасыз етіліп, мемлекеттік қазақ тіліміздің мәртебесі белгеленген болатын.
Қорыта айтқанда, мемлекеттік тіліміз әрдайым мемлекеттің қорғауына.
Сапархан УМАРОВ,
Арыс аудандық сотының төрағасы.
