«Тазалық – саулық негізі», «саулық – байлық негізі» деген аталы сөздің тамыры тереңде жатыр. Бұл сөз Жаушықұм ауылдық округіндегі М.Мәметова көшесінің тұрғындарының қазіргі таңдағы ұстанымы. Көше тазалығы туралы қағидаға орай жасыл аймағы ретке келтіріліп, шөптен тазартылды. Сонымен қатар, Абай көшесіндегі бұрыннан шоғырланған шаруашылық жолдарындағы 120 тонна тұрмыстық қалдықтар толық тазартылды., деп хабарлайды NEWQAZAQ.KZ ақпарат агенттігі.
Қай кезде де болмасын ең бірінші өз ортаңа тазалықпен қарау адамдықтың басты қасиеті екендігі белгілі. Аталмыш шараның мектеп тазалығын сақтауда ғана емес, еліміздің экологиялық жағдайын жақсартуда да алар үлесі зор.
Туған жердің тазалығы – баршамызға ортақ екендігін ұмытпайық! Жалпы өзің тұрып жатқан жердің тазалығына үлес қосу – туған жерге деген қамқорлықтың бір белгісі.
Өз кезегінде көше ардагерлері жастарға бүгінгі жасаған еңбектің зая кетпеуі үшін, жас көшеттерді суарып, баптауды аманаттап тапсырды. Жалпы, бүгінгі алдыңғы толқын ағалар мен кейінгі толқын інілер бірлігінде өткен тазалық жұмыстары дәстүрлі еңбек мерекесіне айналып, қатысушылар жақсы көңіл-күймен тарады.
