Ордабасы ауданының әкімі Нұрбек Бадырақовтың тапсырмасына сәйкес Төрткүл ауылдық округінде жалпы сенбілік өтті.
Тоғыз жолдың торабында, яғни «Батыс Еуропа — Батыс Қытай» республикалық маңызы бар автомобиль жолының бойына аудан әкімдігіне қарасты барлық дербес бөлім және ауылдық округ қызметкерлері жаппай сенбілікке шығып, өздеріне бекітілген аумақта тазалық жұмыстарын жүргізді.
Әр мекеме белгіленген аумақтарда көше бойларын қоқыстардан тазартып, арық-атыздарды тазалап, көше бойы мен мекемелердің ауласындағы шарбақтар мен орталық көшелердің бойында орналасқан тұрғын үйлердің қасбеттеріне сырлау, әктеу жұмыстарын жүргізді.
Төрткүл ауылының орталығындағы «Орталық саябақ» ішіндегі шөптер орылып, қоршауы сырланды. Аяқжолдар тазаланды. Сонымен қатар Төрткүл ауылындағы көпқабатты тұрғын үйлердің қасбеттері ретке келтіріліп, аулалары тазартылып, әктеу жұмыстары жүргізілді.
Жалпы, сенбілікке 15 дербес бөлім және 10 ауыл округ әкімдіктерінің қызметкерлері қатысты.
ТҮРКІСТАН: ОРДАБАСЫ АУДАНЫНДА СЕНБІЛІК ҰЙЫМДАСТЫРЫЛДЫ
