Бүгін «AMANAT» партиясы Шымкент қалалық филиалының бас ғимаратында қоғамдық қабылдау бөлмесінде заңгерлік көмек бағытында тақырыптық қабылдау өткізілді. Қабылдауды заңгер, адвокат Тілеуов Ерлан Әлібекұлы құқықтық көмек көрсетті.
Тақырыптық қабылауда алимент өндіру, несие тарихын реттеуге ықпал жасау, еңбек шарты бойынша өтемақы алу, жеке сот орындаушылардың әрекетсіздіктері және өзге де мәселелер төңірегінде болды. Мәселен, Сәуле Ізбасараова есімді қала тұрғыны жеті жылдан бері үш баласы үшін алимент алмағаны туралы шағымданды. Адвокат маман арыз иесіне тиісті кеңес беріп, құзырлы органдарға арыз жазуға нұсқау берді. Ал, Гүлбахира Оразов заңды некедегі жұбайымен ажырасқан жағдайда ортақ несиені өтеу бойынша ақыл-кеңес сұрай келіпті.
Тұрғындар тарапынан түскен талап-тілектер бойынша заңгер түсіндірме жұмыстарын жүргізіп, қолданыстағы заңнамалар аясында кеңес берді.
