Бүгін рухани астанамыздағы «Алатау медиа» орталығында Түркістан облысындағы және Шымкент қаласындағы БАҚ өкілдерінің қатысуымен Масс-медиа туралы Заң жобасын талқылауға арналған басқосу өтіп жатыр.
Келелі кеңеске Түркістан облысы қоғамдық даму басқармасы басшысының орынбасары Бахыт Ахымбетов, Қазақстанның Журналистер одағы Түркістан облысы филиалының төрағасы Ғалымжан Елшібай, Turkistan Media Holding директоры Жанахмет Ағыбаев, сондай-ақ өңірдегі БАҚ басшылары, журналистер қатысып отыр.
Жиын барысында ҚР Парламенті Сенатының депутаты Айгуль Капбарова зумм арқылы медиакеңістікті сапалы контентпен қамтамасыз ету, БАҚ туралы заңды жетілдіру бойынша тұшымды пікір білдіріп, ой қосты.
Осы ретт, ұсынылған құжат жан-жақты талқыланып, Ақпарат және қоғамдық даму министрлігіне Қазақстан Журналистер одағы атынан жолданбақ.
Түркістан облысының Қоғамдық даму басқармасы да ұйымдастыруға ұйытқы болған жиында әріптестер пікір алмасып, ойларын ортаға салып жатыр.
