«Атамекен» Ұлттық кәсіпкерлер палатасының Х съезі офлайн түрде өтті, оған 300 — ден астам делегат республиканың барлық өңірлерінен бизнес -субъектілері, ҰКП өңірлік палаталарының басшылары қатысты.
Ұлттық Кәсіпкерлер Палатасында дәстүрге айналған іс — шараға билік өкілдері, оның ішінде үкіметтік деңгейдегі өкілдер де шақырылды. Атап айтқанда, съездің маңызды қонақтарының бірі Премьер-Министрдің орынбасары Ерұлан Жамаубаев болды. Құттықтау сөз сөйлеген ол Президент Қасым-Жомарт Тоқаевтың құттықтау жеделхатын оқыды. Мемлекет басшысы Х Съезге қатысушыларға Жолдауында шағын және орта бизнесті дамыту үшін іс-шараны өткізудің маңыздылығын атап өтті, өйткені күн тәртібінде «Атамекен» трансформациясы мәселелері көрсетілген. Сондай-ақ, Президенттің үндеуінде Ұлттық Кәсіпкерлер палатасының әлемдік нарықтағы отандық бизнестің бәсекеге қабілеттілігін арттырудағы рөлі атап өтілді.
Қатысушылар 9 мәселені талқылады. Палатаның атқарылған жұмысының есебі, трансформациядан кейінгі Ұлттық палатаның жаңа тәсілдері және Абай, Жетісу, Ұлытау облыстарында өңірлік кәсіпкерлер палатасын құру қаралады. «Атамекен» трансформациясы бойынша жаңа тәсілдер негізінен мемлекеттік саясаттың басымдықтарына бағдарланған: макроэкономикалық тұрақтылық, экономиканы әртараптандыру, цифрландыру, адами капиталды дамыту және т.б.
307 делегаттың 284 — і «Атамекен» қызметіндегі жаңа тәсілдерге дауыс берді. Төралқаның жекелеген мүшелерін сайлау, басқарманың сандық құрамы, олардың өкілеттіктерінің қолданылу мерзімдері, сондай-ақ өңірлік кеңестердің қызметіне қатысты мәселелерге байланысты елеулі өзгерістер бизнес — қоғамдастықтардың ұсыныстарын ескере отырып енгізілетінін атап өткен жөн, — деп хабарлады Түркістан облысы кәсіпкерлер палатасының директоры Асылан Ибадуллаев.
“Атамекен” ұлттық кәсіпкерлер палатасының бизнесті біріктіретін ұйым ретінде трансформацияны бастады. 2025 жылға дейін жүйелі жұмыс кезең-кезеңімен жүреді деп жоспарланған. Палата қолға алып отырған трансформация тұжырымдамасын делегаттардың басым бөлігі – 284 депутат жақтап дауыс берді, — деп атап өтті Түркістан облысы кәсіпкерлер палатасының директоры Асылан Ибадуллаев.
Съезд соңында Ұлттық Кәсіпкерлер палатасының басшысы Райымбек Баталов делегаттарға қатысқаны үшін алғыс білдіріп, оларды өз ісінің патриоттары деп атады.
