ҚР Президенттігіне үміткер Қасым -Жомарт Тоқаевтың Шымкенттегі қоғамдық штаб мүшелері мен сенімді өкілдері «Шымкент цемент» және «Шымкент темір» кәсіпорнындарының қызметкерлерімен кездесті. Шымкент қаласы бойынша қоғамдық штаб мүшелері Мұратәлі Қалмұратов, Қуандық Сұлтанғали, Марат Сейітовпен бірге еңбек адамдарымен жылы жүздесіп, кәсіпорындардың тыныс-тіршілігімен танысып, жұмысшылардың саяси науқан туралы ойларын тыңдадық.
📌Штаб мүшелері «Әділетті Қазақстан: Бәріміз және әрбіріміз үшін. Қазір және әрдайым» атты үміткердің сайлауалды бағдарламасының басымдықтарына тоқталып, жұмысшы құқықтары мемлекеттің қатаң қадағалауымен және күшті кәсіподақтармен қамтамасыз етілетін бәсекеге қабілетті және қауіпсіз еңбек ортасы құрылатыны жайлы баяндады.
✅ Сондай ақ, жиында жалдамалы еңбектің қашықтан жұмыс, икемді жұмыс уақыты, толық емес жұмыс күні, фрилансинг сынды жаңа нысандарын дамыту үшін еңбек заңнамасын ырықтандырылатындығы айтылды.
📍Кәсіпорын қызметкерлері Қ. Тоқаевтың сайлауалды бағдарламасына зор қызығушылық танытып, еліміздегі қордаланған мәселелерді шешу жөніндегі көзқарастарына қолдау білдірді.
#Toqaev2022
