Шымкентте 37 су бұрқақ бар. Олар толығымен консервациядан шығарылып, 35 су бұрқақ бекітілген кестеге сәйкес тұрақты жұмыс істеп тұр. Бұл туралы Шымкент қалалық жайлы ортаны дамыту басқармасының бас маманы Әуесбек Әзбердіұлы мәлімдеді.
Оқи отырыңыз...
Биыл жыл бойы субұрқақтар мен ұңғымаларды күтіп ұстауға жарияланған конкурста мердігер мекеме «Dim Nur Company» ЖШС-і жеңімпаз атаныпты. Бүгінде компания су бұрқақтарға күтім жасау жұмыстарын бастап кеткен.
— Тәуелсіздік және Абай саябағындағы су бұрқақтың сорғы құрылғысы күйіп кетуіне байланысты уақытша тоқтатылды. Қазіргі таңда жөндеу жұмыстары жүргізіліп жатыр. Таяу күндері су бұрқақ іске қосылады. Сонымен қатар, қала тұрғындары су бұрқақтарға шомылуға тыйым салынғанын назарда ұстаса дейміз. Әр нысанның жанына «су бұрқаққа шомылуға тыйым салынған» деген жазуы бар арнайы тақтайшалар орнатылған, — дейді Ә.Опабек.
Айта кетейік, қаладағы 37 су бұрқақтың 3-еуі әуенді. Олар Тәуелсіздік саябағында, Әкімшілік іскерлік орталықта және Этносаябақта орналасқан.
«Шымкент келбеті» — Замира Алдабергенова
Фото Серік Қосаев
