Шымкент қаласында 2021 жылмен салыстырғанда «халық қатысатын бюджет» үлесі бес есеге артып отыр. Биыл жалпы 148 жобаға қаржы бөлінді.
Қала әкімі Әл-Фараби ауданы тұрғындарымен есепті кездесуінде бұл бағыттағы жұмыс жоспарларынан хабардар етті.
Әл-Фараби ауданында биыл бұл бағдарлама шеңберінде 59 жоба іске асырылады.
2021 жылы 11 ойын алаңшасы орнатылып, пайдалануға берілді: А.Байтұрсынов көшесі (№ 67а, 86а, 87 үйлер), «Отырар» шағынауданы (№11, 12, 13/1, 13а, 38-40, 42-42/1-43, 51) және Ә.Диваев көшесіндегі (№127) көпқабатты тұрғын үй аулалалары абаттандырылды.
6 ойын алаңшасы «Халық қатысатын бюджет» бағдарламасы аясында салынды.
2022 жылы «Халық қатысатын бюджет» бағдарламасы аясында ауданда I-II сектор бойынша 11 ойын алаңшасы орнатылады. Атап айтқанда, А.Байтұрсынов (№70, 88-90, 89, 92 үйлер), «Спорт» шағынауданы (№9, 24 үйлер), Ә.Диваев (№142-142б-144, 140-144б, 146 үйлер), Дулати (№ 205) және Қазыбек би көшесіндегі (№195 а) үйлердің аулалары абаттанады.
Жалпы биыл Әл-Фараби ауданы ойын алаңшасымен толық қамтылады.
Шымкент қаласы әкімдігінің баспасөз қызметі
Суретке түсірген Береке Сейітжаппар
«ХАЛЫҚ ҚАТЫСАТЫН БЮДЖЕТ» ЖОБАСЫ БОЙЫНША 11 ОЙЫН АЛАҢШАСЫ ОРНАТЫЛАДЫ
