Қаладағы көлік қозғалысын реттеудің кешенді жоспарына сәйкес, Бәйдібек би даңғылы мен Арғынбеков көшесінің қиылысында 2022-2023 жылдар аралығында үш деңгейлі жолайрық салынады.
Келесі жылдың 5 қаңтарында нысанның алғашқы қазығы қағылып, жер қазу жұмыстары басталады. Осы күннен бастап магистралдағы көлік қозғалысына уақытша шектеу қойылады.
Құрылысқа байланысты Арғынбеков көшесінің қос бағыты бойынша көлік қозғалысы 8 айға шектеледі. Батыстан шығысқа қарай Байтұрсынов көшесінен Бәйдібек би даңғылы аралығы және шығыстан батысқа қарай жаяу жүргіншілерге арналған жол өткеліндегі бағдаршамнан Бәйдібек би даңғылы аралығы жабылады.
Айта кетейік, көлік қозғалысы үшін альтернативті магистралдар ретінде Рысқұлов және Төлеметов көшелері белгіленген.
Шымкент қаласының Ақпараттық-коммуникациялық орталығы.
