2021 жылғы 4-13-қазан аралығында Шымкент қаласының аумағында автобустардың техникалық жағдайын тексеру бойынша республикалық «Автобус» жедел-алдын алу іс-шарасы жүргізілуде.
Іс-шара барысында Шымкент қаласы ПД ЖПҚБ қызметкерлері жолаушылар автобустарының жүргізушілері жасаған жол қауіпсіздігі ережелері бұзушылықтарын анықтады, оның ішінде: маневр жасау ережелерін бұзу және техникалық тексеруден өтпеген автобустарды басқарудың жолын кесті. Сонымен қатар, көлікті басқару кезінде ұялы телефонды пайдаланған жүргізушіге, жылдамдық режимін бұзған, жолаушылар мен жүктерді тасымалдау ережелерін бұзған жүргізушіге, еңбек және демалыс тәртібін бұзған жүргізушілерге айыппұл салынды. Сондай-ақ полицейлер зиянды ластаушы заттар шығатын автобустарды анықтауға көңіл бөлді.
Бір тәуліктің қорытындысы бойынша жалпы 185 құқық бұзушылық анықталды, оның ішінде: :
— ҚР ӘҚБтК-нің 334-бабы (шығарындыларда ластаушы заттардың болуы нормативтен асып кету) – 22;
— ҚР ӘҚБтК-нің 571-бабы (жолаушыларды, багажды және заттарды тасымалдау ережесін бұзу) – 6;
— ҚР ӘҚБтК-нің 590-бабы 7-бөлігі (тиісті рұқсатсыз қайта жабдықталған көлік құралын басқару) – 21;
— ҚР ӘҚБтК-нің 590-бабы 9-бөлігі (техникалық байқаудан өтпеу) – 12;
— ҚР ӘҚБтК-нің 591-бабы (ұялы телефон пайдалану) – 45;
— ҚР ӘҚБтК-нің 595-бабы (маневр жасау қағидаларын бұзу) – 13 дерек анықталды. Сондай-ақ, 2 автобус паркінің лауазымды тұлғалары әкімшілік жауапкершілікке тартылған.
Айта кету керек, мұндай рейдтер жолаушылар көлігінің қатысуымен болған жол-көлік оқиғаларының санын азайтуға және жол қауіпсіздігі құқықбұзушылығының алдын алуға мүмкіндік береді.
