Құқық бұзушылық автокөлік құралын басқаруда, оны пайдалануға байланысты жайттарда да жиі орын алады. Шымкент қаласы Полиция департаменті ЖПҚБ Патрульдік полиция полкінің қызметкерлері ағымдағы жыл басынан бері көлік құралын басқару кезінде ұялы телефон пайдаланған 10514 жүргізушіні анықтады. Осы ретте автокөлік жүргізушілеріне қатысты ҚР ӘҚБтК-нің 591-бабы (ұялы телефон пайдалану) бойынша әкімшілік хаттама толтырылып, түсіндірме жұмыстары жүргізілді.
Шымкент қаласы Полиция департаментінің ЖПҚБ Патрульдік полиция полкінің қызметкерлері автокөлікті басқару кезінде ұялы телефон пайдалану жайттарын анықтау және жолын кесуге бағытталған жұмыстарды тұрақты жүргізіп отырады.
Тәртіп сақшылары қауіпсіздікті қамтамасыз ету мақсатында жол қозғалысының барлық қатысушыларын жол қозғалысы ережелерін қатаң сақтауға шақырады.
Сол сияқты Шымкент қаласы Полиция департаментінің ЖПҚБ Патрульдік полиция полкінің қызметкерлері ағымдағы жылдың 7 айында жалған мемлекеттік нөмірі бар көлік құралын басқарғаны үшін 15 жүргізушіні анықтады.
Барлық жайттар бойынша құқық бұзушыларға қатысты ҚР ӘҚБтК-нің 590-бабының 4-тармағы (Көрiнеу жалған немесе қолдан жасалған мемлекеттiк тiркеу нөмiрi белгiлерi (белгiсi) бар көлiк құралын басқару, сол сияқты мемлекеттiк тiркеу нөмiрi белгiлерiн (белгiсiн) сәйкестендіруге кедергі келтіретін не олардың түрін өзгертетін немесе жасыратын құрылғылар мен материалдар қолданыла отырып жабдықталған мемлекеттiк тiркеу нөмiрi белгiлерi (белгiсi) бар көлiк құралын басқару) бойынша әкімшілік хаттамалар толтырылды.
Шымкенттік полицейлер жалған мемлекеттік нөмірі бар көлік құралын басқару жайттарын анықтау және қоғамдық құқық бұзушылықтың жолын кесуге бағытталған жұмысты белсенді жалғастыруда.
