Президент Қасым-Жомарт Тоқаев биылғы жылға арнаған Жолдауында «Халық үніне құлақ асатын мемлекет» орнату дегеніміз әділетті, заңдылықтар сақталатын мемлекет орнату» деген болатын. Яғни, біздің елде қандай да бір жағдайда болсын заңдылық үстем болуы тиіс. Кішкентай болсын құқық бұзушылыққа төзбеушілік қалыптастырылып, азаматтардың заңның үстемдігін құрметтеуіне қол жеткізілуі қажет.
Осы бағытта Шымкент қаласында жоспарлы түрде жан-жақты жұмыстар жүргізіліп келеді. Мәселен, Шымкент қаласы Полиция департаменті Патрульдік полиция полкінің қызметкерлерімен терезесі күңгірттелген көліктерді анықтау мақсатында күнделікті рейдтік іс-шара өткізіліп келеді.
Іс-шара барысында тәртіп сақшылары бір тәулік ішінде терезесі күңгірттелген 76 автокөлікті тоқтатып, ҚР ӘҚБтК-нің 590-бабы 5-бөлігімен (күңгірттеу) жол қозғалысы ережесін бұзған жүргізушілерге әкімшілік хаттама толтырды.
Жол жүру қауіпсіздігін қамтамасыз ету мақсатында Патрульдік полиция полкінің қызметкерлері жолда мұқият болуды және жол жүру ережелерін сақтауды сұрайды.
Шымкент қаласы Абай ауданының полицейлері ювеналдық полиция қызметкерлері бір күнде 69 әкімшілік құқық бұзушылықтың бетін ашты. Құқық бұзушыларға қатысты хаттамалар толтырды. Оның ішінде Қазақстан Республикасы Әкімшілік-құқықтық кодексінің 434, 437, 440, 449, 505, 204, 492, 442 баптарын бұзу фактілері орын алған.
