Мемлекет басшысы Қ.К.Тоқаев мықты мемлекет құру үшін әділеттілікті, заңдылықты сақтауды, азаматтардың еліміздің заңдылықтарын сақтап, құқық бұзушылыққа бармауы маңызды екенін, оларды мемлекеттің жергілікті құқық қорғау органдары жүзеге асыруы тиіс екенін айтты. Сонда қарапайым халық мемлекеттік органдарға сеніп, тіпті оны қолдайтын болады.
Шымкент қаласында құқық бұзушылықтың алдын алу, ол бұзылған жағдайда құқық бұзушыны құрықтау бағытында нақты істер атқаруда. Оның ішінде мемлекеттің мүлкіне ғана емес жеке азаматтардың мүліктеріне де қатысты құқық бұзушылықтардың жолын кесуді мақсат еткен. Бұл бір жағынан әділдіктің салтанат құруын қамтамасыз етсе, екінші жағынан азаматтарымыздың құқық қорғау органдарына деген сенімін арттырады.
Шымкенттік полицейлер құрылыс заттарын ұрлаған азаматты тәулік ішінде
анықтап, қолға түсірді. Қаратау ауданының Полиция басқармасына жергілікті тұрғын арызданған. Ол өз арызында, үйінің ауласында тұрған құны 60.000 теңге тұратын 2 тонна цемент, 340.000 теңге тұратын 2,5 метр өлшемдегі 28 дана темір труба, 325.000 теңге болатын 25 дана профнастил құрылыс заттарын белгісіз тұлға ұрлап кеткендігін көрсеткен.
Аталған жайт бойынша, Қаратау АПБ криминалдық полиция бөлімі қызметкерлерімен жедел-іздестіру іс-шарасын жүргізу барысында Түркістан облысы, Шардара ауданының тұрғыны анықталып, тиісті басқармаға жеткізілді.
Осы орайда, Шымкент қаласының полицейлері тұрғындарға жеке мүлкіне сақ болуға шақырады. Еер сіз ұрлықтың құрбаны немесе куәгері болсаңыз, тез арада «102» нөміріне хабарласыңыз. Сіздің берген ақпаратыңыз, қылмыстың тез арада ашылуына өз септігін тигізетінін ескеріңіз.
