Ел Президенті айтқандай заңдылыққа сүйенген мемлекет болу үшін үлкен демей, кіші демей барлық құқық бұзушылықтарға жол бермей, мүмкіндігінше алдын алу, түсінік жұмыстарын жүргізу қажет. 2021 жылдың 29-шілдесі күні ЖПҚБ Патрульдік полиция полкінің қызметкерлері көлік жүргізушілері арасында жолда жүру ережелерін сақтау бойынша түсіндірме жұмыстарын жүргізді.
Аталған іс-шараның мақсаты – жол қозғалысына қатысушылардың жол жүрісі ережелерін қатаң сақтауы, жүргізушілердің көлік жүргізу тәртібін және жаяу жүргіншілердің жолда жүру тәртібін арттыру.
Сондай-ақ жол-көлік оқиғаларының, жол жүру ережелерін бұзудың алдын алу мен болдырмау, және заңсыз қайта жабдықталған көлік құралдарын, техникалық жағдайы мен құрылысы жол қозғалысы қауіпсіздігінің белгіленген талаптарына сәйкес келмейтін автобустар мен таксилерді пайдалануға тыйым салуға бағытындағы түсіндірме жұмыстары болып табылады. Алдағы уақыттада аталған іс-шара өз жалғасын табады.
Жол қозғалысында жаяу жүргіншілердің де үлесі бар және оларға арналған орындардың дұрыс белгіленуі де көп жол ережелерінің сақталуына септік етеді. Сондықтан, Шымкент қаласы Полиция департаментінің Әкімшілік полиция басқармасы Жол техника инспекция бөлімінің қызметкерлері қала көшелерінде зерделеу жұмыстарын жүргізіп жатыр.
Мысалы, полиция қызметкерлері қаладағы Кеңесары көшесінде жаяу жүргіншілерге арналған жолақтың бірінде жол сызбалары өшіп кеткенін байқаған. Нәтижесінде, аталған жайт бойынша Шымкент қаласының Жолаушылар көлігі және автомобиль жолдары басқармасына арнайы жол сызбасын жаңарту мақсатында ұйғарым жолданды.
Қазіргі таңда анықталған кемшіліктер жойылды.
