Президент Қасым-Жомарт Тоқаевтың зейінді де білікті ұрпақ тәрбиелеуді қамтамасыз ету бойынша алға қойған міндеттерін жүзеге асыруда Шымкент қаласының әкімдігі жүйелі жұмыс жүргізіп келеді. Қаланың әкімі Мұрат Әйтеновтың өзі жасөспірімдердің мектептен тыс үйірмелерге қатысуы мен олардың барлық балаларға қолжетімді болуын қадағалап отырады. Сонымен бірге үшінші мегаполистің мектептерінде шахмат интелектуалды спорты арнайы сабақ ретінде оқытылады.
Оқи отырыңыз...
Оған қоса биыл қала әкімінің мұрындық болуымен «Шымкент – Қазақстанның шахмат астанасы» атты жоба қолға алынып, соның негізінде Қазақстанның шахматтан жасөспірімдер арасындағы чемпионатын Шымкентте ұйымдастыруға қол жеткізілді. Осы бағытта басқа да бірталай іс-шаралар қолға алынуда.
Шымкенттің шахмат спортына байланысты ірі істерді қолға алып, нәтижелі жүзеге асырып жатқанын елімізде ғана емес халықаралық деңгейде де еленуде. Халықаралық Шахмат Федерациясының президенті (ФИДЕ) Аркадий Дворкович Шымкент қаласына арнайы сәлемхат жолдады. Ол Шымкентте 8-18 жас аралығындағы жасөспірімдер арасындағы Қазақстан Республикасы чемпионатының қатысушылары мен ұйымдастырушыларына ыстық ықыласын жолдаған.
«Биылғы турнир Сіздерде өтіп, шахматтан жаңа жас таланттарды анықтағанына сенімдімін және Шымкент – елдің шахмат астаналарының бірі атануға құқылы екенін тағы да дәлелдеді» ,- деп атап өткен хатта.
Сондай-ақ, ФИДЕ президенті жарысты өткізгені үшін Шымкент қаласының әкімі Мұрат Әйтеновке және чемпионаттың демеушілеріне алғысын білдірген.
