«Жаңа жағдайдағы Қазақстан: іс-қимыл кезеңі» атты Жолдауында Президент Қ.К.Тоқаев құқықтық әділетті мемлекет құру үшін жауапкершілікті күшейтіп, жаңа жағдайға бейімделіп, жаңаша жұмыс жасауды ұсынған болатын.
Шымкент қаласының басшылығы мегаполисте заңдылықтың сақталуын, құқық бұзушылыққа жол берілмеуін қамтамасыз ету мақсатында түрлі іс-шараларды жүйелі ұйымдастырып отырады. Ағымдағы жылдың 19-22 шілде аралығында Шымкент қаласының аумағында полиция қызметкерлері көшелер мен қоғамдық орындарда құқық бұзушылықтардың алдын алу және жолын кесу мақсатында «Құқықтық тәртіп» жедел-профилактикалық іс-шарасын өткізді.
Аталған іс-шара барысында 3177 әкімшілік құқық бұзушылық анықталды. Оның ішінде:
— Ұсақ бұзақылық (ҚР ӘҚБтК 434-бабы) бойынша – 571 жайт;
— Тыныштықты бұзу (ҚР ӘҚБтК 437-бабы) бойынша — 190;
— Қоғамдық орында мас күйде болу немесе спирттік ішімдік ішу (ҚР ӘҚБтК 440-бабы) бойынша — 416;
— Кәмелетке толмағандардың түнгі уақытта ойын-сауық мекемелерінде болуы (ҚР ӘҚБтК 442-бабы) бойынша — 423;
— ҚР аумағында тiркеусiз не жеке басты куәландыратын құжаттарсыз тұру (ҚР ӘҚБтК 492-бабы) — 852;
-Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу(ҚР ӘҚБтК 596-бабы)-11;
— Көлік құралын алкогольдік масаң күйде басқару (ҚР ӘҚБтК 608-бабы) — 16;
— Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы (ҚР ӘҚБтК-ның 615-бабы) бойынша – 340 жайт.
Сонымен қатар, іс-шара барысында тыйым салынған заттарды сақтап және алып жүрген 15 азамат анықталды. Оның ішінде: атыс қаруын ұстап жүрген – 5, суық қару алып жүрген – 3, есірткі құралдарын сақтаған -7 азамат анықталды.
«Newqazaq.kz» ақпараттық порталы.
