Ерейментау аудандық сотында Ерейментау ауданының полиция бөлімінің, Ерейментау ауданы әкімдігінің, Ерейментау ауданы прокуратурасының, Ерейментау ауданының мәдениет және тілдерді дамыту бөлімінің, Ерейментау ауданының жұмыспен қамту бөлімінің, «Ерейментау ақпарат» газетінің және аудандық заң кеңсесінің адвокаттарының қатысуымен «Сот ісін жүргізуде мемлекеттік тілді қолдану», «Билер кеңесі мүшелерінің қатысуымен істерді қарау», «дауларды медиация тәртібімен реттеу» және «дауды сотқа дейін немесе соттан тыс реттеу тәртібін сақтау» тақырыптарында «WhatsApp» желісі арқылы қашықтықта дөңгелек үстел өткізілді. Дөңгелек үстелді аудандық соттың судья Ж.Үсенов ашып, аталған тақырыптары бойынша мәселелерді талқылады.
Сонымен қатар, жиын соңында қатысушылардың сұрақтарына мазмұнды жауаптар беріліп, алдағы уақытта өзекті мәлелері бойынша өз пікірлерімен алмасты. Сондай-ақ жиынға қатысушыларға судья Ж.Үсенов алғысын білдіріп, жұмыстарына сәттілік тіледі.
Қайнар: Ақмола облысының Ерейментау аудандық соты
Алимент өндіру туралы сот бұйрығы шығарылды.
Ақмола облысының Ерейментау аудандық сотында кәмелетке толмаған балаларды күтіп-бағуға алименттерді өндіріп алу туралы сот бұйрығы шығарылды.
Азаматша У. өз мәлімдемесінде күйеуімен бірге некеден екі кәмелетке толмаған баласы бар екенін көрсетті. Қазіргі уақытта күйеуі бөлек тұрады, қаржылай көмектеспейді. Осыған байланысты ол алимент өндіріп алу үшін сотқа жүгінді.
Келіп түскен арыздың негізінде сот кәмелетке толмаған балаларды асырағаны үшін борышкердің барлық кірістерінің 1/3 (үштен бір бөлігі) мөлшерінде алимент өндіріп алушының пайдасына мәжбүрлеп өндіріп алу туралы сот бұйрығын шығарды.
Атқарушылық құжаттың күші бар сот бұйрығы дереу орындауға бағытталған.
Қайнар: Ақмола облысының Ерейментау аудандық соты
