Бүгін Шымкент қаласының әкімі Мұрат Әйтенов қалалық энергетика және коммуналдық шаруашылық басқармасының осы жылдың I тоқсаны бойынша атқарылған жұмыстарының есебін тыңдады.
Шымкент қаласы әкімдігінің баспасөз қызметінің мәлімдеуінше
есепті жиында басқарма басшысы Б.Булатбековтің баяндамасында қаланы инженерлік инфрақұрылыммен қамтамасыз ету бағыты бойынша 85 жоба жүзеге асырылатыны белгілі болған. Оған республикалық және жергілікті бюджеттен 48,6 млрд. теңге қаржы бөлінген.
Мәселен, қала тұрғындарын ауыз сумен қамту бойынша 14 нысан, кәріз бойынша 19 нысан, сапалы электр қуатымен қамту бойынша 19 нысан, табиғи газ бойынша 9 нысан және жылу бойынша 3 нысан, инженерлік инфрақұрылым бойынша 21 нысан сынды тағы басқа нысандар құрылысы жүргізілмек.
Басқарма басшысының айтуынша, бірінші тоқсанға жоспарланған 6,1 млрд. теңге 100 пайыз игерілген.
«Newqazaq.kz».
