Шымкент қаласындағы Шәмші Қалдаяқов саябағында тұрғындар арасында діни сауаттылықты арттыру, жат діни ағымдардың ықпалының алдын алу және қоғамдағы діни тұрақтылықты сақтау бағытында ақпараттық-түсіндіру жұмыстары жүргізілді. Іс-шараға «Дін мәселелерін зерттеу орталығы» КММ-нің теолог маманы Уәлихан Самат Шоқанұлы қатысып, қала тұрғындарына «Жат діни ағымдардан қорғану және алдын алу тәсілдері және кереғар діни идеологиялардың ықпалынан сақтау» тақырыбында түсіндіру жұмыстарын жүргізді.
Кездесу барысында қазіргі ақпараттық кеңістікте діни мазмұндағы түрлі мәліметтердің кең таралуына байланысты азаматтардың діни сауаттылығы мен ақпаратты дұрыс қабылдай білуінің маңызы түсіндірілді. Әсіресе әлеуметтік желілер мен интернет ресурстарында таралатын күмәнді діни ақпараттарға сыни көзқараспен қарау, белгісіз дереккөздерге сене бермеу және діни мәселелер бойынша ақпаратты білікті мамандардан алу қажеттігіне назар аударылды.
Түсіндіру жұмыстары барысында қала тұрғындарына теріс діни ағымдардың ерекшеліктері, олардың адам санасына және қоғамдық ортаға ықпалы, сондай-ақ кереғар діни идеологиялардың таралуынан туындайтын қауіптер туралы кеңінен ақпарат берілді. Мамандар азаматтарды діни мәселелерде асығыс шешім қабылдамауға, түрлі арандатушылық сипаттағы ақпараттарға ермеуге және күмәнді діни насихаттың жетегінде кетпеуге шақырды.
Сонымен қатар тұрғындарға жат діни ағымдардың ықпалынан сақтанудың негізгі тәсілдері түсіндірілді. Атап айтқанда, діни білімді жүйелі түрде қалыптастыру, кез келген діни ақпараттың мазмұны мен дереккөзін саралау, күмәнді материалдарды таратпау және қажет болған жағдайда дін саласының білікті мамандарына жүгіну қажеттігі айтылды.
Іс-шара барысында тұрғындарға дін саласына қатысты ақпараттық парақшалар мен жадынамалар таратылды. Ақпараттық материалдарда діни сауаттылықты арттыруға, теріс идеологиялық ықпалдың алдын алуға және азаматтардың қауіпсіз ақпараттық орта қалыптастыруына бағытталған пайдалы мәліметтер қамтылды.
Түсіндіру жұмыстары ашық форматта өтіп, саябаққа келген тұрғындар өздерін қызықтырған сұрақтарын маманға қойып, нақты жауаптар алды. Қатысушылар діни мәселелерге қатысты ақпаратты дұрыс түсінудің және қоғамда діни келісім мен өзара құрмет қағидаттарын сақтаудың маңыздылығы жөнінде пікір алмасты.
Мұндай ақпараттық-түсіндіру іс-шаралары азаматтардың діни сауаттылығын арттыруға, кереғар діни идеологиялардың таралуының алдын алуға және қоғамдағы тұрақтылық пен келісімді сақтауға бағытталған маңызды жұмыстардың бірі болып табылады. Тұрғындарға дұрыс әрі объективті ақпарат ұсыну – діни мәселелерге қатысты жауапты көзқарас қалыптастырудың және түрлі теріс ықпалдардан сақтанудың тиімді жолы.
