2025 жылдың 30 тамыз күні Шымкент қаласының саябақтары мен гүлзарларында Қазақстан Республикасы Конституциясының 30 жылдығына арналған «Шым қала кештері» мерекелік концерттер шеруі ұйымдастырылды.
Ашық аспан астында өткен бұл өнер мерекесі қала тұрғындары мен қонақтарына ерекше көңіл-күй мен жарқын әсер сыйлады.
30 тамыз күні концерттік шеру «Шым сити», «Қазақстан–Түркия достығы», «Металлургтер», «Абай» саябақтары мен «Арбат» алаңында өтті.
Айта кетейік, «Шым қала кештері» – апта сайын тұрақты түрде өтетін мәдени жоба. Бұл жоба аясындағы концерттер 31 тамыз күні де қаланың әртүрлі демалыс орындарында өз жалғасын табатын болады.
