Түркістанда Кәсіпкерлердің құқығын қорғау және сыбайлас жемқорлыққа қарсы іс-қимыл Кеңесінің кезекті отырысы өтті. Жиынды Кеңес төрағасы Орынбасар Кабиштаев жүргізді. Шараға кеңес мүшелері, мемлекеттік орган өкілдері мен кәсіпкерлер қатысты.
Кеңес отырысының күн тәртібінде: «TURAN» АЭА АҚ мен оның Қатысушылары арасындағы келісім-шарттан туындаған дау, Арыс қаласы білім бөлімінің мектепке дейінгі жеке меншік білім беру ұйымдарының алдындағы берешегі, Сауран ауданы, Шаға а/о әкімдігінің жеке кәсіпкер С.Мадалиеваның жер телімін құжаттандырудағы созбалаңдыққа салу әрекеті, «Жасыл қала» ЖШС-і мен «Түркістан Жарық-Тазалық» ЖШС арасындағы келісім-шарт негізінде туындалған даулы мәселені өзара бітімгершілікке келу жөніндегі мәселелер талқыланды.
Жиын барысында кәсіпкерлердің құқықтарын қорғауға және әкімшілік кедергілерді жоюға бағытталған нақты ұсыныстар айтылып, жергілікті атқарушы органдарға тиісті тапсырмалар берілді.
