Сауран ауданы әкімдігі ішкі саясат бөлімінің «Жастар ресурстық орталығы» және «Руханият орталығы» КММ-нің ұйымдастыруымен ұлт тәрбиесіндегі маңызды тұлғалар – әке мен ұлдың рөлін дәріптейтін ерекше тәрбиелік шара өтті.
«Әке – ұрпаққа өнеге, ұл – болашаққа өрнек» атты бұл сайыс жасөспірімдер мен ата-аналар арасында отбасылық құндылықтарды насихаттауға, ұл балалардың тәрбиесіне қоғам назарын аударуға, сондай-ақ ұлттық салт-дәстүрлерді ұлықтауға бағытталды.
Іс-шараның ашылу салтанатында Сауран ауданы әкімдігі ішкі саясат бөлімінің басшысы Н. Тажыбеков және Қоғамдық келісім «Сауран аудандық филиалының» басшысы А.Раматуллаев, «Руханият және талдау орталығы» КММ-нін басшысы С.Әшірбай құттықтау сөз сөйлеп, шараның маңыздылығына тоқталды.
Сайыс 3 бөлімнен тұрды:
1. «Таныстыру» кезеңі – Әке мен ұл жұптары өз отбасын, ұстанымдарын, қызығушылықтарын таныстырды.
2. «Ұмыт болған дәстүрлер» тақырыбында сұрақ-жауап кезеңі – Қазақ халқының бай мұрасындағы әке мен ұлға қатысты салт-дәстүрлерді жаңғыртты.
3. «Өнері бар – өрге жүзер» кезеңі – Әке мен ұл жұптары өнерлерін көрсетіп, сахна төрінде күй, жыр, ұлттық ойын және қолдан жасалған бұйымдар арқылы көрермендерді тәнті етті.
Іс-шараның соңында әділқазылар алқасы сайыс нәтижесін жариялап, жеңімпаздар мен қатысушыларды марапаттады.
I-орын Бабайқорған а/о,Ибрагимовтар отбасы.
II- орын Шорнақ а/о,Манашовтар отбасы.
III-орын Үшқайық а/о,Акаевтар отбасы.
Бұл шара әр отбасы үшін тағылымды, ұлт болашағы үшін маңызды қадам болды. Әке мен ұл арасындағы рухани сабақтастықты нығайтып, елдікке бастар жолдың – отбасындағы тәрбиеден басталатынын тағы бір мәрте дәлелдеді.
