Түркістан облыстық Экономикалық тергеп-тексеру департаментінің ұйымдастыруымен өткен “Заң және тәртіп. Қаржылық қауіпсіздік” форумы аясында ерекше мәдени-идеялық жоба жүзеге асты.
Димаш Құдайбергеннің терең мазмұнды “Тау ішінде” әніне Түркістан жастары орындаған флешмоб биі әлеуметтік желіде үлкен резонанс тудырды. Afm_rk Instagram желісінде бұл бейнеролик 2 миллионнан астам қаралым және 70 мыңнан аса лүпіл жинап, танымал трендтер қатарынан орын алды!
Бұл бастама – жастардың өнер мен заманауи медианы заң мен тәртіп, қаржылық қауіпсіздік тақырыптарымен үйлестіре білген жарқын мысалы. Еліміздің рухани астанасы – Түркістан жастарының серпінді қадамы, шығармашылық пен азаматтық ұстанымды ұштастырған үлгі боларлық жоба!
