Бүгін Түркістан облысы кәсіпкерлер палатасының алаңында фармацевтика саласында жұмыс істейтін кәсіпкерлерге арналған маңызды семинар өтті.
Оқи отырыңыз...
Семинарға Түркістан, Кентау қалаларынан және жақын аудандардан келген кәсіпкерлер мен дәріхана иелері қатысты. Іс-шараны “Даму” фармацевтикалық және медициналық ұйымдардың қауымдастығы ЗТБ мен Кәсіпкерлер палатасы бірлесіп ұйымдастырды.
Семинар барысында келесі өзекті мәселелер қарастырылды:
1. Фармация саласындағы маңызды заң талаптары;
2. Дәрілік заттарды таңбалау (маркировка) бойынша негізгі мәселелер.
Шараға арнайы шақырылған спикер – “BS IT GROUP” ЖШС директоры Серік Бекадилов Рубус жүйесі туралы толық ақпарат беріп, қатысушылардың сұрақтарына жауап берді. Сонымен қатар, Фармацевтикалық қауымдастық өкілдері де салалық жаңалықтар мен ережелер бойынша мәліметтер ұсынды.
Семинардың басты мақсаты – кәсіпкерлерді мемлекеттік органдар тарапынан жүргізілетін тексерулер мен ірі көлемдегі айыппұл санкцияларынан сақтандыру. Қазіргі таңда бұл салада 393 200 теңгеден 3 932 000 теңгеге дейінгі айыппұлдар қарастырылған. Осыған байланысты семинар ақпараттық қана емес, алдын алу шарасы ретінде де маңызды рөл атқарды.
Мұндай оқыту семинарлары алдағы уақытта облыстың өзге де аудандарында жалғасын табады. Ұйымдастырушылар кәсіпкерлерді заң талаптарын қатаң сақтап, қызметтерін соған сай жүргізуге шақырды.
Іс-шараға қатысқан кәсіпкерлер семинар барысында өздеріне қажетті және пайдалы ақпарат алғандарын атап өтті.
