Түркістан облысы кәсіпкерлер палатасы мен Мақсат Абжанов “Қытайға терезе” атты тегін мастер-класс ұйымдастырды.Шараның негізгі мақсаты – кәсіпкерлердің халықаралық ынтымақтастығын дамыту және ҚХР-мен тиімді жұмыс істеудің заманауи жолдарын көрсету.
Бұл бірегей шара Қытай Халық Республикасымен сауда және серіктестік жасауға мүдделі кәсіпкерлер үшін жаңа мүмкіндіктер ашты.
Кімге арналған?
• Қытайдан сенімді серіктестер іздейтін кәсіпкерлер.
• Логистика мен төлемдер процесін оңтайландырғысы келетіндер.
• Қытаймен сауда-саттықты тиімді ұйымдастыруды үйренгісі келетіндер.
Мастер-класста не талқыланады?
Серіктестер мен тауарларды іздеу
• Қытай нарығынан қажетті тауарлар мен серіктестер табу жолдары.
• Техникалық тапсырманы (ТТ) нақты дайындау әдістері.
• Қытайдағы кеңсе арқылы жеткізушілерді іріктеу.
Келіссөздер мен келісімшарттар жасау
• Қытай тілінде алдын ала келіссөздер жүргізу.
• Екі тілде келісімшарттар дайындау және аударма қызметін ұйымдастыру.
Қауіпсіздік пен мәміленің айқындылығы
• Қытайдағы серіктестердің заңды мәртебесін тексеру.
• Тауар тиеу процесін бақылау.
Логистика мен есеп айырысу схемалары
• Жеткізу мен төлемнің тиімді жоспарларын құру.
Қосымша мүмкіндіктер
• Сенімді өндірушілермен келісімшарт жасау.
• Импорт-экспорт үдерістерін оңтайландыру.
Түркістан облысы кәсіпкерлер палатасының директоры “Қытайға терезе” жобасы Қытай нарығына ашылған жаңа мүмкіндік екенін атап өтті.
