Мемлекет басшысы биылғы Жолдауында білім беру саласында жайлы мектептер салып, оларды ең озық құрал-саймандармен жабдықтап, оқушыларға барлық жағдайларды жасап қойғанмен мұғалімсіз ондай мектептерде де сапалы білім мен саналы тәрбие беруге қол жеткізу қиын. Өйткені оқушының қандай болып қалыптасуы ұстаздардың біліктілігі мен тәжірибелілігіне тікелей байланысты, деген еді. Түркістан облысында, оның ішінде қалалар мен аудандарда мұғалімдердің білімін жетілдіріп, озақ тәжіртбелерін бөлісіп, насихаттап отыру жақсы жолға қойылған.
2024 жылдың 08 қазан күні Түлкібас ауданының білім бөліміне қарасты Ғ.Мұратбаев атындағы жалпы білім беретін мектептерінің базасында барлық білім беру ұйымдарындағы дефектолог- логопед мамандарымен «Тұтықпасы бар балаларды оқыту әдістемесі» тақырыбындағы аудандық тәжірибе алмасу семинары өткізілді.
Семинардың мақсаты дефектолог-логопед мамандарының тұтықпасы бар балаларды оқыту алгоритімдерінің тиімді әдістерін көрсету арқылы кәсіби шеберліктерін дамыту.
Аталған аудандық іс-шараға Түркістан облысы «Білім беруді дамыту орталығы» КММ дефектолог-логопед әдіскері М.Мусабаева, Түлкібас ауданының білім бөлімінің әдіскері Ш.Жанабердиев және 35 логопед, дефектолог мамандары қатысты.
Өткізілген аудандық семинарда «Ұрбұлақ» ЖББМ логопед маманы Нұралдын Айсұлу Құрманғазықызы «Тұтықпа кезінде қолданылатын логопедиялық жұмыстары мен тұтықпаның негізгі белгілері», И.Рыбалко атындағы ЖББМ логопед маманы Айдарбекова Акмаржан Калдарбековна «Тұтықпасы бар балалар мен жүргізілетін түзету жұмыстары», М.Ломоносов атындағы мектеп-гимназиясының логопед маманы Абдразакова Макпал Сакеновна Сөйлеу мен сенім » Тұтықпаны тоқтатыңыз», Б.Садықов атындағы ЖББМ логопед маманы Балхибекова Жадыра Елубаевна “Тұтықпасы бар балаларды оқыту әдістемесі” тақырыптарында өз жұмыстарын көрсетіп, тәжірибе алмасты.
Семинардың қорытынды бөлімінде Мусабаева Мадина Тельжановна бүгінгі өткізілген сабақтар мақсатқа жету жолында бірнеше әдіс-тәсілдерді қолдана отырып, өмірмен байланыстыра отырып өтілгенін айта келіп, сабақ өтіп өз іс-тәжірибелерімен бөліскен мамандарға алғысын білдіріп, барлық әріптестерді Ұлағатты ұстаздар мерекесімен құттықтады.
Аудандық білім бөлімінің әдіскері Жаңабердиев Шыңғыс Жетібайұлы осындай тәжірибелік сабақтар алдағы уақытта жоспар аясында өз жалғасын табатынын айтып өтті.
Сабаққа қатысқан логопед, дефектолог мамандар өз пікірлерін айтып, көптеген жақсы жұмыстарды көріп, тәжірибе алмасқандарын айтты.
Түлкібас ауданы білім бөлімінің әдістемелік кабинетінің әдіскері М.Кулмаганбетованың жылдық жоспарына сәйкес, 2024 жылдың 08 қазан күні Тұрар атындағы жалпы білім беру мектебінің директордың тәрбие жөніндегі орынбасары, педагог-психолог, әлеуметтік педагог және сынып жетекші мамандарымен «Аутодеструктивті мінез-құлықтың алдын-алу» мақсатында кездесу өткізілді.
Кездесу барысында аутодеструктивті мінез-құлықтың алдын алу жұмысы, психологиялық қызметтің диагностикалық бағыттары, жауапты мамандардың алгоритмге сәйкес жұмыс жасалу жолдары туралы түсіндірме жұмыстары жүргізілді.
Мамандар тарапынан кері байланыс жасалып, ұсыным тілектерін айтып өтті.
Ал, Түлкібас аудандық полиция бөлімі және Жастар ресурстық орталығы, Руханият бөлімі мен бірге аудандық спорт мектебінде өзекті мәселелер бойынша құқық бұзушылықтың және салауатты өмір салтын қалыптастыру мақсатында есірткіге қарсы зиянды психотроптық, улы заттардан қорғау, алкогольдік ішімдіктерді қолданудың алдын алу, түрлі керағар діни ұйымдардың іс-әрекеттерінен қорғау, жасөспірімдер түнгі уақытта жүру, зорлық – зомбылықтың алдын алу насихаттау бағытында “тәрбиелі қоғам” семинар-тренингі жүргізілді.
Мұғалімдердің тәжірибе алмасу семинары өтті
