Елімізде азаматтардың денсаулығын сақтау мен бұқаралық спортқа тарту бойынша нақты іс-шаралар іске асырылуда. Соның ішінде мемлекет тарапынан балаларды қорғау мен қолдау, олардың қауіпсіздігін қамтамасыз ету бойынша арнаулы бағдарламалар жұмыс істейді. Соған байланысты барлық облыстардағыдай Түркістан облысының қала, аудандарында да мемлекеттік балаларға арналған саясатын жүзеге асыруға мән беріледі. Балалар дүниеге ең көп келетін облыста жас ұрпақтың білім мен тәрбие алуына, денсаулығын сақтап, нығайтуға, белсенді де шымыр болып өсуіне, бұқаралық спорттың қалаған түрімен айналысуына барлық жағдай жасалуда.
Таяуда сол бағыттағы шаралардың бірі Төлеби ауданы Сұлтан Рабат елді мекеніндеіске асып, спорт алаңы пайдалануға берілді. Округ тұрғындары арасында салауатты өмір салтын қалыптастыруға ықпал ететін алаңға «Бірлік» атауы берілді. Ұлт аралық татулық пен бірлікті дәріптеп, көп ұлтты халықтың ынтымағын нығайту мақсатында спорттық жарыстар өткізуге арналған футбол алаңының құрылысына аудандық бюджеттен қаржы бөлінді. Заман талабымен салынған футбол алаңы барлық стандарттарға сай. Құны 14 млн теңгені құрайды.
Жаңа алаңның ашылуына орай, ұйымдастырылған мерекелік жиынға аудан әкімінің орынбасары Сержан Дүйсебаев, аудандық мәслихат төрағасы Нұрлан Қойбағаров, Киелітас ауылдық округі әкімінің орынбасары Нәби Садықбеков қатысып, ізгі тілектерін жеткізді. Футболдан балалар арасында Сұлтан Рабат мектебінде ұзақ жылдар бойы басшылық еткен, ұлағатты ұстаз марқұм Тойчиев Ирисмат атаны еске алуға арналған турнир өткізілді.
— Бұқаралық спортты дамытуға бағытталған Мемлекет басшысының тапсырмасын орындау мақсатында ауданда 206 спорт ғимаратты қызмет көрсетеді. Футбол инфрақұрылымын дамытып, бұқаралық футболды дамытуға жағдай жасау үшін арнайы жобалар қолға алынды. Жалпы аудан бойынша балалар мен жасөспірімдерге 137 кәсіби жаттықтырушы-мамандар және 360 топта, 4600 оқушыға жаттығу сабақтарынан білім беруде.» — деді құттықтау сөзінде аудан әкімінің орынбасары Сержан Дауылбайұлы.
Тұрғындар арасында салауатты өмір салтын қалыптастыруға ықпал етіп жүрген азаматтар аудандық мәслихаттың, ауылдық округ әкімінің «Алғыс хаты» табыс етілді. Футболдан өткен ашық турнир қорытындысымен жеңімпаз атанған командалар марапатталды.
Төлеби ауданы әкімінің баспасөз қызметі
