«Бейбітшілік пен келісім сабақтары» тақырыбында №16 Ю.Гагарин атындағы мектеп-лицейінде кездесу өтті.
Кездесуді Кентау қалалық ҚХА жанындағы Ақсақалдар кеңесі төрағасының орынбасары Садуов Талғат Нұралыұлы ашып жүргізіп отырды.
Жиынға “Қазақстандық татар және башқұрттар конгресі” Республикалық қоғамдық бірлестігінің Түркістан облысы бойынша филиалының төрағасы Ф.Аюпов, қалалық ҚХА жанындағы Ақсақалдар кеңесінің мүшесі М.Юлдашев, қалалық славян этномәдени бірлестігінің төрайымы И.Домбровская, Түркістан облыстық «Қоғамдық келісім» КММ-і Кентау қалалық филиалының мамандары және мектеп-лицейдің жоғарғы сынып оқушылары қатысты.
Аталмыш шарада: Қазақстан халқы Ассамблеясының қызметі, ұлттық алауыздық, этносаралық шиеленісті тудыруына бағытталған іс-әрекеттер үшін жаза туралы қолданыстағы заңнамалар, сондай-ақ құқықтық сауаттылық жөнінде ақпараттар түсіндірілді. Жиын соңында жастарды ынтымағы ұйыған елдің болашағы үшін еңбек етуге, білім, ғылымды игеруге шақырды.
