11.04.2024 жылы Келес ауданының білім бөліміне қарасты №27 Н.Тілендиев, №28 Мақташы және №29 ж.о.м. жоғарғы сынып оқушыларына Түркістан облысы әкімінің орынбасары Б.Д.Тәжібаевпен бекітілген дін саласындағы ақпараттық-түсіндіру тобының 2024 жылға арналған жұмыс жоспарына сәйкес, «Дін мәселелерін зерттеу орталығы» КММ тарапынан облыс аумағында дін саласындағы тұрақтылықты қамтамасыз ету, діни экстримизмнің, теріс пиғылды діни ағымдардың алдын-алуға бағытталған ақпараттық-түсіндіру жұмыстарын жүргізілді.
Жиынға облыстық дін істері басқармасы «Дін мәселелерін зерттеу орталығы» КММ-нің орынбасары Айбек Тағай үгіт-насихат жүргізді. Жастардың әлеуметтік-демографиялық топ ретінде өзіндік рухани сипаттағы ерекшеліктерге ие екендігін, көпшілігі өмірдің рухани негіздерін іздеу, өмір сүрудің мән-мағынасы туралы сұрақтарға жауап іздеу жолында дінге келетінін, қандай да бір діннің тереңіне бойламай, діндердің ізгілігіне, шынайылығы мен жалпыға ортақ басқа да қырларына тереңдеп ене алмайтынын айтқан мамандар қазіргі таңда дін саласындағы мемлекеттік саясатты дұрыс жүзеге асыру барысында зерттелген, таңдалған бірнеше теологиялық оқу орындарының бар екенін жеткізілді.
Қазіргі уақытта жастарымыздың әлеуметтік желіде көп отыратындығын тілге тиек ете, дұрыс емес бағытта уағыз айтушылар жайлы сөз қозғалды.
Жиында мемлекетіміздің зайырлылық қағидаттары және мектеп тәртібіне бой ұсыну, сондай-ақ діни ағым ұстанушылардың ерекшіліктері жайлы ақпараттық-түсіндіру жүргізілді. Жиын соңында қойылған сұрақтарға жауап берілді.
