Су тасқынынан зардап шеккен, табиғи апат аймағында тұратын халыққа көмек қолын созу мақсатында Бәйдібек ауданы әкімдігінің бастамасымен, тұрғындардың қолдауымен аудандық Жастар орталығының ғимаратында арнайы штаб құрылды. Штаб жұмысын аудан әкімінің орынбасары Бағдатбек Жанғазиев ұйымдастырып, қайырымдылық көмектің ұйытқысы болды.
Аудан тұрғындары, кәсіпкерлер қажетті азық-түлік өнімдері, гигиеналық заттар, киім-кешек, төсек бұйымдарын алуға көмектесті.
Арнайы жүк көлігіне тиелген гуманитарлық көмек апатты аймақтардағы зардап шеккен тұрғындарға жөнелтілді. Игі істердің ортасынан табылып, ел жағдайына бей-жай қарамай, көмек қолын созған барша азаматтарға алғысымыз шексіз!
