Бүгін Мемлекет басшысы Қасым-Жомарт Кемелұлы Тоқаев су тасқыны салдарынан қалыптасқан ауыр жағдайға байланысты үндеу жариялады.
Қазіргі таңда еліміздің он аймағында төтенше жағдай жарияланып, Үкімет қарғын судың салдарын жоюға бар күшін салуда. Премьер-Министрдің басшылығымен штаб құрылып, құтқару жұмыстарына Төтенше жағдайлар министрлігінің барлық ресурсы жұмылдырылды.
Еліміздің болашағына бейжай қарамайтын белсенді азаматтары зардап шеккен аймақтарға көмек көрестуде, құтқару жұмыстарына да атсалысып жатыр.
— Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы. Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі, — деді Президент.
Сондықтан осындай қиын уақытта бір-бірімізге демеу болуға шақырамын. Біздің күшіміз – бірлікте. Біріксек қана бұл қиындықты жеңе аламыз!
Бекзат Хабибов,
Қарнақ өзбек этномәдени бірлестігінің төрағасы, Кентау қалалық мәслихатының депутаты
