«Ленгір тазалық» КММ-нің қызметкерлері Ленгір қаласы аумағында күл-қоқыстарды жинау жұмыстары жүргізілуде, деп хабарлайды NEWQAZAQ.KZ ақпарат агенттігі.
Табиғаттың қадір-қасиетін сезініп, оны аялай білу адамзат баласының асыл мұрасы емес пе? Түздің тазалығын сақтап, оған жанашырлық таныту да адамгершілік пен мәдениеттің деңгейін көрсетсе керек. Тыныстап жүрген ауамыз таза, ішер суымыз тұнық болса, денсаулығымыздың мықты, жасымыздың ұзара түсері сөзсіз. Алайда мұны қаперге алмаудың, қоршаған ортаға аяушылық танытпаудың салдары бүгінгі қоғамға ғана емес, ұрпағымыздың келешегі үшін де аса қауіпті.
Өкінішке қарай, тұрмыстық қалдық тастайтын орындардың жоқтығы, барына күтім жасалмайтынын жасыруға болмайды. Ауыл ішінен шыққан тұрмыстық қалдықтарды сұрыптау ісімен «Ленгір тазалық» КММ-нің белсенді азаматтары айналысып жүр. Қазіргі таңда ауданда күл-қоқыс, қатты тұрмыстық қалдықтарды жинау, шығарып апару, сұрыптау және утильге жіберу өте күрделі мәселеге айналып отыр.
Ленгір қаласының әкімдігі тұрғындарға тазалыққа немқұрайлы қарамай, бірлесе атсалысуға шақырады.
