Халқымыз «Дені саудың – жаны сау» деп орынды айтқан. Отанымыздың келешегі, көркеюі – салауатты өмір салтын сақтауды қолдауда.
Түркістан облысының әкімі Дархан Сатыбалдының өңірдің санитарлық тазалығын жүйелендіріп, көркейту, көгалдандыру жұмыстарын жандандыру жайлы берген тапсырмасын тұрақты түрде жүзеге асыру мақсатында Жетісай ауданының әкімі Серік Үсенұлы Мамытов аудан аумағындағы қала, кент, ауылдық округтердің тазалық жұмыстарының жүйелі жүргізілуі үшін барлық шараларды жүргізуді міндеттеген.
Бүгінде елді мекендерде аптаның барлық күнінде жол бойлары мен елді мекен айналасын ретсіз өскен шөптерден тазартып, ағаштардың түбін әктеу, қураған ағаштарды бұтау, арық-атыздарды қатты тұрмыстық қалдықтардан тазарту, ескірген қоршаулар мен көрнекілік құралдарын қайта сырлау, тұрғындарға тазалықты сақтау мәселелері жөнінде түсіндіру жұмыстарын жүргізу, табиғатты аялауға бірігіп күш салуға шақыру жұмыстары жүргізілуде.
Айта кетейік, бүгінде «Жетісай қызмет» мекемесі тарапынан 10 ауылдық округтердегі 45 жалпы орта мектептің көшедеріне 750 дана жарықшамдар қойылып, тазалық жұмыстарына кұнделікті 5 техника мен 40-қа тарта қызметкер жұмылдырылған.
