Бүгін, қала әкімдігінің бастамасымен қала және ауылдық округтерде сенбілік ұйымдастырылды. Мемлекеттік қызметшілер мен мекеме ұжымдары және қала тұрғындары қатысқан сенбілікте ретсіз күл-қоқыстардан тазарту, жол жиегіндегі шөптерді шабу, арық-атыздарды тазалау, ағаштарды ақтау, ретке келтіру жұмыстары жүргізілді.
Мұндай игілікті істер алдағы уақытта да жалғасын табатын болады.
Арыстың жасыл белдеуінің рекреациялық әлеуетін дәріптеу, өскелең ұрпақтың бойына Қазақстанның табиғи байлықтарына ұқыпты қарауға дағдысын сіңіру, салауатты өмір салтын насихаттау.
Қаланы санитарлық тазалаумен қатар, көшелерді, тротуарларды және ішкі орамдық аумақты жинау, нөсер суы жиналатын және арықтарыды тазалау. Саябақтардағы жасыл желекті күтіп ұстау және гүлзарлар мен гүл бақтары алаңдары бойынша маусымдық агротехникалық жұмыстар атқарылады. Қоқыс заңсыз тасталған орындар мен ластанған аумақты жою да жасалады.
Жалпы, барлық жалпықалалық сенбіліктердің негізгі мақсаты – қоғамның назарын қала көшелеріндегі тазалық мәселелеріне аудару, экологиялық мәдениетті қалыптастыру. Осы жерде кез келген қала тұрғыны мен ұйым көшелер мен аулалардың абаттандырылу жағдайының жақсаруына, қаланы көркейтуге үлесін қоса алатынын айта керек.
.
