Бүгін аудан әкімі Нұрбек Бадырақов Қажымұқан ауылдық округі әкімінің 6 айлық есебін тыңдады, деп хабарлайды NEWQAZAQ.KZ ақпарат агенттігі.
Есепті жиында ауылдық округ әкімі Илияс Тұрнияз жарты жылдықта атқарылған жұмыстар бойынша баяндама жасады.
Өз сөзінде ауыл әкімі инфрақұрылым саласында атқарылған бірқатар жұмыстарға тоқталып, тапсырмалардың жоспарға сай кезең-кезеңімен жүргізіліп жатқандығын жеткізді.
Тарқатып айтар болсақ, ауылдық округке қарасты 7 ауыл таза ауыз сумен қамтылса, 4 ауылға көгілдір отын толықтай жеткізілген. Қалған 2 ауылда газ жүргізу жұмыстары басталған.
Ауылдағы 164 көшенің 141-іне асфальт төселсе, 23 көшесіне тас төгілген. Ал, көшелерді жарықтандыру бойынша 57 көшеге жарық шамдары орнатылған.
Аудан басшысы Нұрбек Бақтыбайұлы ауылдағы инвестиция тарту, мал басын арттыру, абаттандыру, тазалық, қоғамдық жұмыс бойынша бірқатар сын-ескертпелерді атап өтіп, тиісті кезеңде олқылықтың орнын толықтыруды ескертті.
