Шымкент қаласы бойынша Сыбайлас жемқорлыққа қарсы қызметі кәсіпкерлер палатасымен бірлесе бизнес өкілдерімен проблемаларды және оларды шешу жөніндегі шараларды талқылау үшін кездесулер өткізуде.
«Бизнеске жол» жобасы аясындағы кезекті іс-шара қаладағы ірі сауда орындарында, атап айтқанда Dur Plaza, Mega Planet, Орталық универмаг «ЦУМ»-ғы жеке кәсіпкерлермен өтті.
Отырыс ашық диалог форматында өтіп, қатысушылар мемлекеттік органдар тарапынан туындайтын әкімшілік кедергілерге қатысты сұрақтар қойды.
Сондай-ақ, кездесуде жемқорлықтың алдын алудағы әрбір азаматтың рөлі мен сыбайлас жемқорлық құқық бұзушылық туралы хабарлаған немесе сыбайлас жемқорлыққа қарсы іс-қимылға өзге де жолмен жәрдемдесетін тұлғалар үшін заңнамалық түрде біржолғы ақшалай сыйақылар белгіленгендігі туралы айтылды.
Кездесу соңында Сыбайлас жемқорлыққа қарсы іс-қимыл агенттігінің 1424 Call-орталығы тәулік бойы жұмыс жасайтындығы хабарланып, арнайы әзірленген брошюралар таратылды.
ШЫМКЕНТТЕ БИЗНЕС ӨКІЛДЕРІМЕН КЕЗДЕСУ ӨТТІ
