Шымкент қаласы Қайтпас — 1 тұрғын алабындағы №58 жалпы орта мектебінде этномәдени бірлестіктер өкілдерінің, мұғалімдер мен оқушылардың қатысуымен сыбайлас жемқорлықтың алдын алу, сонымен қатар қоғамдық келісім мәселелеріне арналған кездесу өтті.
Кездесуге Сыбайлас жемқорлыққа қарсы іс-қимыл Агенттігінің қалалық департаментінің, ішкі саясат және жастар істері жөніндегі басқармасының, Ассамблея хатшылығының, Қаратау ауданы әкімі аппаратының өкілдері қатысты.
Іс-шара барысында сыбайлас жемқорлыққа қарсы заңнамаға енгізілген өзгерістер, жемқорлық фактілері туралы хабарлаған адамдарды қорғау шаралары күшейтілгені хабарланып, еліміздің қолданыстағы заңдылықтарын сақтау, ішкі біртұтастық пен бірлікті бекемдеу, өскелең ұрпақ — жас буынға саналы тәрбие беру, әскери борышты өтеу, т.б. мәселелер жөнінде сөз болып, арнайы дайындалған видеороликтер көрсетілді.
Айта кетейік, осы тұрғыдағы кездесу «Достық» тұрғын алабындағы №102 жалпы орта мектебінде де өтті.
