Бүгін «AMANAT» партиясы Шымкент қалалық филиалының мәжіліс залында іскер әйелдер жиыны өтті. Басқосуға кеңес мүшелері мен белсенді жас кәсіпкерлер қатысты.
Кездесу барысында Шымкент қалалық Іскер әйелдер кеңесінің төрайымы Алма Архабаева 2022 жылы атқарылған жұмыстарды қорытындылап, баяндама жасады.
Жиынға қатысушылар кәсіпкерлік саласындағы тәжірибелерімен бөлісіп, өзара сұрақ-жауап алмасты. Сонымен қатар, алдағы уақытта болатын Мәжіліс пен мәслихат сайлауы қарсаңындағы ұсыныстары мен талап-тілектерін білдірді.
Кездесу соңында Алма Архабаева жас кәсіпкерлерге алдағы жоспарлары мен жұмыстарына сәттілік тіледі.
Айта кетейік, биылғы 19 наурыз күні елімізде ҚР Парламенті Мәжілісі мен жергілікті мәслихат депутаттарының сайлауы өтеді.
