Түркістан облысының Келес ауданы Ақтөбе ауылдық округінде Қазақстан Республикасы Президентінің кезектен тыс сайлауы басталды. Таңғы 7-де Ақтөбе ауылдық округ аумағындағы 10 сайлау учаскесі Қазақстан Республикасының Әнұранымен ашылып, өз жұмысына кірісті. Таң азанымен Сайлау учаскелерінде дауыс беруге келген тұрғындардың қарасы көп. Ел басшысын анықтайтын шараға жергілікті тұрғындар белсенді түрде қатысып жатыр. Бұл күні сайлауға бірінші болып келіп, дауыс берген ауыл азаматтары, сондай-ақ алғаш рет сайлауға қатысқан азаматтарға сайлау комиссиясы тарапынан сый-сияпат көрсетілді.
— Бүгін — халқымыз үшін айтулы күн. Бұл сайлаудан үлкен үміт, жақсылық күтеміз. Сайлау демократия талаптарына сай өтіп жатыр. Таңғы жетіден бастап жұмысқа кіріскен сайлау комиссиясының құрамы келушілерге қолайлы жағдай жасап, тұрақты мекенжайларына сәйкес қабылдау шараларын жүргізуде. Қожамберді отбасы өз таңдауын жасады № 359 сайлау учаскесі.
