📌Шымкент қалалық қоғамдық штабының мүшелерімен бірге тікелей байланыста жиынға қатыстық.
✅Қасым-Жомарт Кемелұлы Тоқаев Республикалық қоғамдық штабта былай деді:
— Бұл, шын мәнінде, тарихи мағынаға ие жаңғыру болмақ. Сондықтан, еліміздің әрбір жауапты азаматы осы маңызды кезеңде адал қызмет етуі қажет. Ел болып бірлесіп қана, мақсатымызға жетеміз. Біздің мақсатымыз – айқын. Бұл – азаматтарымыздың тұрмыс сапасын жақсарту.
Осы мақсатқа қол жеткізу үшін мемлекеттік аппараттың және бүкіл азаматтық қоғамның күш-жігері жұмсалатын болады. Бірлесіп еңбек етсек, барлық міндетті жүзеге асырамыз, ортақ жұмыстың нақты нәтижесін көреміз. Сонда ғана азаматтардың әл-ауқаты артып, тұрмысы жақсарады, экономикамыз жаңарып, саяси жүйеміз жаңғырады.
Бір сөзбен айтқанда, халқымыздың бірлігі және тұтастығы – реформалардың табысты болуының басты кепілі. Алайда, ұлтымыздың жаңа сапасын орнықтырмай, жеке және қоғамдық құндылықтарымызды жаңартпай, тұрақты әрі ауқымды дамуға қадам басу мүмкін емес.
#Toqaev2022
